العيد

من طرف **liferose** الخميس نوفمبر 18, 2010 12:14 am

السلام عليكم ورحمة الله وبركاتو :
كيفكن
كل عام وانتو بالف خير
اليوم حبيت أناقش عن العيد وفرحته
فسؤالي
العيد ايمت أحلى لما تكون صغير ولا كبير( يعني بعمر الشباب) وليش ؟؟؟؟؟؟؟؟؟
وشو مفهوم العيد بنظرك / ي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
( أكيد أكل وحشو الكرش واللبس ههههههههههههههههه عم أمزح )
عم استنى

من طرف زين الخميس نوفمبر 18, 2010 12:34 am

طبعا لما كون صغيرة
مفهوم العيد أنو شوف رفقاتي tongue

من طرف nour Al houda الخميس نوفمبر 18, 2010 12:47 am

انا اوؤيد
كلما اكون اصغر العيد احلى
مفهوم العيد:رؤية الاحباب و زيارة الاقارب وبس

من طرف malak الخميس نوفمبر 18, 2010 2:10 am

أنا برأي العيد حلو لما تكون بمرحلة الشباب

من طرف **liferose** الخميس نوفمبر 18, 2010 3:39 am

طيب أختي زين ونور الهدى عم يقولو العيد لما نكون صغار أحلى طيب ليش
وأختي ملاك بتقول شباب أحلى
بس كمان بدي السبب
أنا برأي لما نكون صغار العيد أحلى لانو نكون لساتنا بريئين وما بنشيل هموم
وما في حساسية زايدةفهيك بنفرح بالعيد أكتر
مفهوم العيد امممممممممم يعني صلة قربى وتياب وأكل ههههههههههه

من طرف **اللوتس** الجمعة نوفمبر 19, 2010 2:31 am

بالنسبة الي العيد حلو بكل العمر
وانت صغيرة وانت كبيرة حتى بظن بكرة بس يصير عندي ولاد كمان رح يكون كتير حلو
ليش؟؟؟؟؟؟؟؟؟؟؟
اولااا جمعة الاهل هي بالقمة والكل بيكون مبسوط وباي عمر
وقت منكون صغار كنا ننزل عالشارع نلعب ونتسلى
وقت صرنا بعمر الشباب صرنا نقعد نحنا والاهل ورفقاتنا عضحك ومزح
وبظن وبعرف ن اهلي بس نصير امهات او اباء بتكفي فرحة اولادنا بالعيد

هذا رأيي
ومشان مفهوم العيد
مثلا انا بالعيد وكطالبة بكلوريا
كان عندي الدرس بالقمة
يعني لازم ادررس 5 ساعات وبعدين اتسلى كل النهار ما فرقت معي
(عم احكي عن هادا العيد9
هههههههههههه
اما بالنسبة للعيد بشكل عام
عندي هو لم شمل الاسرة
وجمعة الرفقة
والحلويات امممممممممممممممم
وهيك شغلات
ههههههه

من طرف **liferose** الجمعة نوفمبر 19, 2010 6:12 pm

ههههههه شكرا لمروركن
عنجد كتير عجبني راي للوتس
بما اني أنا بحس انو العيد لما كنا صغار أحلى
بس بعد ما قريت رأيك
غيرت راي

من طرف جود الأحد نوفمبر 21, 2010 10:09 pm

اكيد العيد حلو بكل عمر بس بتصور مفهومو بيختلف من عمر لاخر
كمان المسؤوليات المتحتمة فيه كمان بتتغير
بس بحس انو او بهجة اكتر لما كنا صغار
يمكن لانو كان بس فرح ولعب
بس لما نكبر بيصير في واجبات وحساسيات
على كل هوي العيد فرحة
وان شاء الله كل ايامكون عيد