سؤال كفيف

هههههههههههههههههههههه
اي وانا ما خطر عبالي شي
هههههههه

هلا بالنسبة للكفيف منذ الولادة اساسا ما راح يسال عن اللون الابيض
لانو اساسا مانو عارف شو هي الالوان
و اساسا لازم يكون و عيان انو الناس بتشوف ....
و بما انو لازم تقنعو انو الناس بتشوف ....
مو متلو ما بيشوف فبالتالي دخلنا بمشكلة ....
انو بدك توصفلو الرؤية ....
و من بعدها بقا بدك تشرحلو عن كل شي بيحسو او بيلمسو
و لازم تقدر تعرفلو كلمة لون
و اذا عملت كل هاد الشي و اقنعتو بهاد الشي ...
و عرفتو على اللون فبالتالي ممكن تناقش معو كلمة اللون
و طبعا مشان توصف اللون او اي شي تاني يفضل تعلمو القراءة والكتابة
و طبعا القراءة بوساطة اللمس
و من هاد الشي بتروح للفكرة اللي بعدها انو الكلمات اللي تعلم يقراها
باللمس
هي بتعبر عن لون و الصفحة اللي انكتبت عليها بيضاء
اي مافي بالصفخة شي غير الكتابة
و يحاول يتخيل الكلمات اللي بيلمسها
و بالتالي بيكون في عندو شي ملموس
و بنفرضلو انو هاي الصفحة الكاملة هي الشي اللي بيشوفو و اللي هو الاسود
و الكتابات اللي تخيلها ...
ما راح تكون سودا لانو راح يتخيلها ...
فبالتالي راح يكون في عندو شي مخالف للاسود
و بالتالي هاد الشي اللي تخيلو راح يكون الابيض
.........
ههههههه
تفلسفت كتير ...... بس ما بعرف هيك طلع معي حكي .....

شكرااااااا كتير
وحبيت فكرة انو مرح يسال عن الالوان لانو مبيعرف شو يعني اللون
بس برايك معقول يعرف اللون الاسود انا بتصور مرح يعرفه بس يتخيله
لانو بتوقع الي مبيكون شايف الالوان مو ممكن يعرفه ابدا
واذا قلنا تخيل اللون الاسود
طيب هو بيعرف عكس هاللون يعني بيعرف العكوس
معقول ياخده كمعلومة انو اللون الاسود عكسه ابيض
بس ما رح يعرف اللون الابيض
مبعرف هاد راي
واتمنى من الاعضاء كلن المشاركة
والتفاعل لانو عنجد بدي اعرف اخرت هالسؤال

معناها اللي توصلنالو انو ماارح يعرف الالوان اساسا لحتى نشرحلو ......
فبالتالي ما راح تشرحيلو الون الابيض ..... ههههههههه

ههههههه هو هاد راي مبعرف يعني انا حاطة الموضوع لنتناقش
طب اذا مبيعرف الالوان هههههههه هو سالنا ولازم منكسر بخاطرو ونجاوبه جواب مقنع

نجاوبو انو بتعرف الالوان ....
طبعا راح يكون جوابو لا
فبنقلو انو كل شي الو شكل متل ما بيحس
و كل شي الو طعمة مختلفة ....
و كل شي الو رائحة مختلفة ...
و كذلك راح يكون لكل شي لون محدد بس انت ما راح تقدر تعرفو حاليا ....
بس بالمستقبل القريب راح تعرف شو معنا الالوان ....
نتيجة بحث عم يصير على المكفوفين ...
حيث قدرو انو يشوفو الالوان و الاشكال و الكلمات
عن طريق تكنولوجيا حديثة ...
تقدم لعندهون و راح تعرف جواب هاد الشي

اعزائي
عندي مداخلة
بتصدقوا
مرة عندي رفيقة كفيفة
كنا ماشيين بالحديقة
وكان في كذا نوع ورد والوان متنوعة وبتجنن
وقفنا عند وردة
لمستا بايدا
قالتلي هي لونا خمري مو احمر
صدمتني
سالتا شو عرفك
قالتلي لانو لون الورد الخمري بيكون ملمسو اخشن من اللون الاحمر العادي
واللون الابيض بيكون بارد
والاصفر متل الابيض بس اقل برودة
والله هي صارت قدامي
اسالتا كيف عرفتي
قالتلي اول مرة كنت بعرف سالت اختي ونحنا ماشيين
عن كل لون وردة انا لامستا
صارت تقلي الالوان
وصرت انا حس بكل لون وردة وشكلا
وملمسا
لحتى هلق صرت بعرف لون اغلب الورد من ملمسا والحمد لله
انا عنجد انصدمت بس سبحان الله
الله بياخد بس بيعطي باحسن
يعني هاذا هو الشعور والاحساس يلي عم يحكي عنو اخي كرياتيف مايند
يمكن يكون المكفوف احيانا
قادر على النظر ببصيرته
اكتر منا نحنا يلي عم نشوف بعيونا
حبيت احكي القصة
لنشوف قدرة الله سبحانه وتعالى
وبهاللحالة
وقت رح يسالني كفيف
اشرحيلي عن اللون الابيض
رح قلو تاكد انك رح تشوفوا ببصيرتك
وبحسك فيه
بس كمان رح قلو
هاللون بيعبر عن الطهارة والايمان
من الالوان الباردة الناصعة
وتاكدو وقتا رح يتخلو
والله سبحانه رح يخليه يتخيلو بالطيبعة تماما
وشكرا لطرح هالموضوع

شكرا لرايك كريتيف مايند
شكرا للقصة الي حكيتيه لوتس
وعنجد حلوة كتير
وبتاكد اذا الانسان مبيشوف اللون مو صعب عليه يتخيله
لا وبيتخيله اكتر من الانسان المبصر

شكرا اختي لوتس .... على المداخلة البناءة
و شكرا للايف روز لطرحها الموضوع الجميل

شكرا لمرورك وشكرا لمشاركتك في الموضوع

بتمنى من الاعضاء لسى المشاركة واعطاء رأيون بهاد الموضوع
لانو هالموضوع الوه اكتر من راي واكتر من حل